Holiday Mood，今日D病人都尚算乖。呢篇我哋傾閑偈。
之前去咗公主醫院探病。朋友仔係有時會幫我地返下工嘅乖姑娘。佢歐遊嘅時候遇上交通意外，終於轉折返到香港。最初未聯絡上嘅時候，知佢有Text第二位熟D嘅朋友。至少知道3件事： 佢睇到野，手指郁得，同埋有電話。
見佢Messenger唔理我，隔一陣我就WhatsApp佢再試下。佢好有禮貌覆我，但下一個Text，問我係邊個。（死野，唔入我電話。😑😑😑😑😑 ）不過，我都有去探佢，我幾好，哈哈！
好耐冇去呢間醫院，要開住地圖先記得點樣揸去！摸左一輪先至搵到佢病房。見佢精神幾好，笑得好燦爛，最痛嘅時候已經過咗。係要提佢唔好笑得咁大聲～～ 廿四考媽媽都喺度陪住佢。一壺二壺湯呀粥呀等等，有士多啤梨有提子，真係幸福。我都唔輸蝕，隊左支藍可樂俾佢哈哈哈哈～～ 完全唔係攞補品黎～～～～
老土時間：人生苦短，真係下一秒唔知會發生乜嘢事。珍惜眼前人嗰啲大家都曉㗎啦。大家都小小心心出入平安啦。同埋好彩佢買咗保險。（似唔似賣廣告🤣🤣🤣🤣🤣🤣）
～～～～
可樂醫生擺咗呢支嘢係我間房。佢擺低嗰日我當然又之前肚痛（食咗走鬼熟食檔嘅蔥抓餅。）所以隔咗一日先至有勇氣試。喂，又唔難飲喎。我未必會再買黎飲，但係可以成支啪晒喎～～
Search